O Códice Calixtino destaca pola súa ambición: difundir a importancia de Santiago e o Apóstolo a escala universal. Os distintos camiños que levan ao santuario desde todos os recunchos de Europa convértense deste xeito en vectores do poder do Apóstolo, capaz de obrar as súas milagres en calquera lugar do orbe. Sorprende a enorme ambición do proxecto e a visión xeopolítica que encerra, tendo en conta a súa época. A brillantez do Códice e do seu impulsor, o arcebispo Xelmírez, foi darlle unha transcendencia política a unha tradición relixiosa existente desde había tres séculos, convertela nun relato e fixala por escrito.
Carta Inicial
O Códice Calixtino
A normativización do culto a Santiago
A chamada Carta do Papa Calixto II
Introdución ao códice
Os dous primeiros folios do códice conteñen unha suposta carta do Papa Calixto II dirixida á Asemblea da Basílica de Cluny, ao patriarca de Xerusalén e a Diego Xelmírez, flamante arcebispo de Santiago. Nela, o presunto Pontífice explica como documentou as milagres de Santiago, que serían a base do texto, "percorrendo as crueis terras e provincias durante 14 anos”. Tamén conta como o libro sobreviviría todos os perigos posibles, como incendios e inundacións.
O proxecto CodeX21
O códice da Raíña Lupa
CodeX21 é unha actualización do Códice Calitixtino centrado no trasfondo lendario do manuscrito medieval e os mitos que están na orixe do camiño de Santiago: a Raíña Lupa, os mouros, as cidades asolagadas e outros elementos que teñen chegado ata nós en forma de relatos de tradición oral. Define unha área chamada Terraloba, correspondente cos míticos dominios da Raíña Lupa, co que aspira a crear un imaxinario coherente e unificado inspirado nas lendas vinculadas a esta figura, como fixera o Códice Calixtino con respecto ao Apóstolo Santiago. Para elo, proponse funcionar como unha plataforma aberta á colaboración con centros educativos e axentes económicos e culturais para a elaboración de actividades e rutas de sendeirismo que permitan integrar nesta narrativa o patrimonio desta área, cun triple foco na divulgación, o turismo e o entretemento.
